DJ茜利妹即將推出大談性趣的新書，邀請了十九位男女藝人論性，其中李蘢怡（Tiffany）稱女人最重要叫得好聽，而利嘉儀則謂男女要平等，錫腳等動作能令女方感到被愛。
茜利妹在今年暑假的書展中，將推出以性為主題的書籍《茜利性經》，之前茜利妹曾與多位藝人在專欄中大談性趣，故其新書將節錄十九位藝人包括谷祖琳、李蘢怡、何超儀、利嘉兒、蔡一傑、薛凱琪和Cookies等的抵死性金句。
言論大膽的茜利妹，日前應記者之邀在性商店拍照後，又相約谷祖琳在中環見面。茜利妹坦言不少藝人被問及性事時總會很避忌，但這次她覺得谷祖琳說得很好、何超儀夠豪放，她還笑說：「傅珮嘉都講得好㗎，佢呢排講得激，有才華係癲癲哋㗎。」
原來谷祖琳十分抗拒SM，她在書中說：「很難想像要我不停『69』（性交姿勢）呀、五花大綁呀，才能得到正常快感！」
至於其他藝人的精句，Tiffany說：「男人覺得熄晒燈同邊個搞都冇所謂，唔睇樣嘅，所以女人最緊要叫得好聽。」利嘉兒說：「唔知點解中國人好唔重視，甚至鄙視口交或者錫腳，但其實個關係要平等，互相做先至夠深入，個男仔肯做，個女仔會覺得被愛。」
至於茜利妹甚為欣賞的何超儀亦謂：「都有同老公一齊睇鹹書，平常心去睇，嘩！咁核突，邊有性慾㗎，睇完冇胃口呀。」傅珮嘉說：「我愛一個人，好耐冇性係可以，我唔會詐型，有時睇戲，佢錫我一啖，我已覺得勁興奮。」
採訪：朱倬誼
攝影：何國豪
場地：LuxRestaurant&Bar夜上海性商店（半島中心）
化妝：Middi
髮型：谷祖琳：Carr（ChinG）、茜利妹：Ray（ChinG）
