自從釋法之後，惡形惡相嘅「護法」已經完成政治任務收工，本應可以暫時養吓老，但新華社噚日報道，四大「護法」之一嘅吳建璠（圖），上星期四喺北京病逝，享年七十八歲。不過新華社就冇講到係乜嘢病。
八方同吳建璠都幾熟，當年採訪基本法起草嘅時候，覺得佢個人文質彬彬，唔會好似另外兩個「護法」許崇德同蕭蔚雲咁，大聲鬧人，但佢近年身體唔係幾好，今年四大「護法」得佢一個人嚟唔到香港，八方大半年前更曾經打個電話畀佢，佢老婆都話佢身體唔係幾好，不單止謝絕探訪，就連聽電話都唔方便。
司徒華對吳建璠亦甚有好感。佢同八方講，八十年代佢同吳建璠都係草委，吳建璠為人謙厚，可以講係四大「護法」之中最唔政治化嘅一位，佢係一個學者，其他三個只可以叫做「官方打手」，如果佢冇咁早死，應該可以為香港講番兩句公道話。
傳真︰2623-9278
電郵︰