前任政務司司陳方安生最近又攞獎，一間名牌護膚化妝品公司，噚日就頒咗個「亞洲最有活力女性獎」畀陳太，表揚陳太關懷兒童發展方面嘅貢獻。陳太致謝時就話，呢間化妝品公司咁支持兒童工作，咁佢日後使多咗錢買化妝品扮靚嘅時候，都唔會咁有罪咎感喎。
但陳太唔知點解噚日唔係好講嘢，問親政治問題統統唔答，佢同老公陳棣榮淨係話，九月十二號一定會喺香港投兩票，搞到班等咗兩個鐘嘅政治行家好冇癮。
陳太愛女陳慧玲噚日就帶埋老公同兩個女去捧媽媽場。陳太一家同好多市民一樣，都好愛香港，陳慧玲同八方講，佢7.1有事冇去到遊行，但係老公余先生就有去，估計成個方家、陳家，都應該有幾多人去咗遊行。余先生話畀八方知，佢係透過行畢全程，去支持7.1遊行。
傳真︰2623-9278
電郵︰