上個月港澳第一名女人賭王四太梁安琪佔小量股份嘅「朗盈證券」，因為涉及外圍馬洗黑錢案俾警方查，賭王何鴻燊呢頭猛向傳媒聲稱，四太身嬌肉貴，「點會洗黑錢」，嗰頭就好巧合咁叫四太辭晒所有香港有限公司嘅董事職位。
噚日滙盈控股出咗份通告，話梁安琪喺本周二已辭去非執行董事職位，可見四太果然聽話，何況滙盈控股旗下嘅滙盈證券又有員工因為牽涉入先科國際單案，俾廉政公署查緊。
之不過，滙盈控股係由小賭王何猷龍揸fit，賭王亦係滙盈嘅執行董事，大、小賭王都係「身嬌肉貴」之人，照計四太應該唔使辭職吖，真係奇嘞。
傳真︰2623-9278
電郵︰