𠵱家教細路一啲都唔容易，除咗要文武雙全兼顧佢哋嘅學業同課餘節目，有時重要諗橋同佢哋深入淺出講解吓性教育。好在𠵱家香港家庭計劃指導會轉型，唔再一味叫人兩個就夠晒數，反而推出好多書仔幫家長。佢哋今年書展就會推出兩本《性教育兒童樂園》，聲稱係全港第一本互動式家庭性教育書籍。
八方有幸先睹為快，發覺內容唔單止啱小朋友，連大人都會對自己嘅身體了解多咗。好似一般男士都冇乜人會知道自己嘅精子有幾長，精子嘅成長期有幾耐。女士們又知唔知排出嘅卵子可以生存幾耐？（見附表）
除咗呢本書仔，家計會重會推出一本以雜誌形式道出少男少女拍拖事嘅《講愛情SayLOVE》，好似一般消閒雜誌咁，有飲食介紹、遊記、星座等等。
傳真︰2623-9278
電郵︰