早前港澳辦副主任建議香港電視專業人員協會拜會一些港方官員，爭取為本月舉行的CEPA進行交流，不過工商及科技局局長曾俊華以忙為藉口拒絕接見，該會主席汪明荃對此極度不滿，她說：「好唔負責任！」
香港電視專業人員協會由一班資深電視從業員在年初成立，主席汪明荃、執行委員會會長徐小明及特邀執委石修昨日在又一城開會，會上各代表炮轟政府官員漠視業界意見。
徐小明表示早前該會派出代表上京訪問，獲港澳辦副主任陳佐洱接見，他說：「我哋建議加強兩地嘅電視業務交流，陳佐洱建議我哋返嚟香港拜會一啲官員，爭取喺七月舉行嘅CEPA（內地與香港關於建立更緊密經貿關係的安排）進行交流。我哋六月已經去信要求約見工商及科技局局長曾俊華，但係一個月後先收到佢嘅代行人陳偉亮回覆話局長最近好忙，唔會見面，淨係叫我聯絡影視及娛樂事務管理處，完全冇講幾時得閒接見我哋，態度冷漠，令我哋覺得好愕然。」
阿姐對於官員的處理手法表示極度不滿，她說：「首先針對番局長喺回覆上嘅拖延已經係好唔負責，而且我哋係電視業界唯一嘅專業團體，佢都唔聽我哋嘅意見，𠵱家唔係有幾十個、幾百個團體要佢揀嚟見，佢將電影同電視混為一談已經係好錯，畀錯對口單位我哋更加係大錯特錯，佢叫我哋聯絡嗰個機構係負責牌照或者投訴。局長係好忙，我哋個個都忙啦！佢今晚應該要好好墊高枕頭睇吓我哋嘅章程，然後馬上回覆。」
採訪、攝影：卓美娟
