劉慧卿同梁振英擺擂台辯論台灣問題單嘢，搞咗咁耐冇晒下文，八方重以為會不了了之，點知原來我哋位日理萬機嘅梁行政會議成員，仍然好有心咁追住卿姐，問佢答唔答應佢嗰十萬蚊嘅世紀擂台，卿姐就一直認為唔需要咁豪華，結果搞到就快立法會舉行選舉，都重未成事。卿姐同八方講，叫梁振英咪當佢係特區政府，將個論壇變做維港巨星匯，而且𠵱家就快又立法會選舉，如果𠵱家搞，計埋落選舉經費咪大件事，卿姐話就算搞都等選舉後！其實梁振英又唔係搵唔到，十萬八萬咪當「豪」畀卿姐，畀晒擂台所有開支，話唔定中央見你又出錢又出力，第三屆特首都有得你呢！
傳真︰2623-9278
電郵︰