記者早前應保時捷廠方邀請，前赴德國漢諾威實地測試最新911車系（廠號997），當中，除卻入門版911Carrera之外，還有換裝上全新3.8公升引擎的CarreraS。雖然兩者外形及配套看似如出一轍，但CarreraS全新引擎裝備明顯有更強更平均的演繹，新加入的PorscheActiveSupensionManagement（PASM）電子懸掛系統，還帶出強而有力的咬地性，令呢部新車嘅性能發揮得更淋漓盡致。
記者、攝影：陳偉林（部份圖片由保時捷車廠提供）
全新保時捷911CarreraS造型，看上去與911Carrera相似，前者車尾貼有閃爍生輝的CarreraS字樣作識別之餘，遲吓9月正式引入香港的右軚版新車，重會裝有四輪最新款19吋跑車合金胎軨，加埋車尾獨有設計兩排雙圓尾喉配搭，不僅透現出一份辛辣跑意，簡約而流線的車體新構造，還營造出低風阻優點（風阻系數只有Cd0.29）。
記者本以為CarreraS座艙陳設，跟Carrera會是同出一轍相近配套，但細看下才發覺到一排全新跑車桶椅，剪裁貼身舒適外，座墊及椅背兩旁重新加入有電控充氣設計，給乘客有完全Racingseat嘅感覺。其次，半自動波版擁有全新三幅式半皮半金屬跑車軚環，兩旁TiptronicS+/-按鍵位置更突出，易於用拇指操控轉檔外，五圓立體表板以專用白底配襯，亦顯得格外奪目；至於新鋪排的中控台，有齊原廠恒溫冷氣、Bose6碟高級CD音響，還有免提電話等豪轎裝備。
保時捷911CarreraS除備有主動式PorscheStabilityManagement（PSM）、ASR裝置、四輪高效能碟煞、ABS連ABD組合，還用上了一台全新3.8公升引擎，雖然只較原有Carrera的3.6公升型號多出200cc左右的容積，但在於德國漢諾威實地測試中，發覺引擎輸出好平均，低轉扭力充裕之餘，中、高轉反應及動力亦見源源不絕，高速公路上很容易不經不覺間超速，當超越250km/h時，新加的一套PorscheActiveSupensionManagement（PASM）電子懸掛系統，更會提高新車咬地性，馳騁於漢諾威又長又直的公路上，確實畀到記者一種超級快感！
GaryTsang評幾句
「呢架保時捷997車系底盤表現好好，尤其係對前輪，咬地同出彎都好出色，比較上一代有好大進步，而且CarreraS一台3.8公升新引擎，好有驚喜感，唔係原本3.6公升型號可以媲美。」
保時捷官方網址：
引擎：3824cc水平對向六汽缸DOHC
馬力：355ps/6600rpm
扭力：40.8kgm/4600rpm
傳動：5前速Tiptronic半自動波，後輪驅動
懸掛：（前）麥花臣支柱（後）多連桿
制動：（前）透氣碟（後）透氣碟（ABS）
輪胎：（前）235/35ZR19（後）295/30ZR19
尺碼：4427×1808×1300mm
軸距：2350mm
車重：1460kg
0-100公里：5.3秒
極速：285km/h
平均耗油：11.7L/100km
車輛提供：保時捷中心（29262911）
