劉嘉玲前晚為一頒獎典禮擔任頒獎嘉賓，對於與她傳不和的張曼玉被雜誌拍下在泳池邊解開上截泳衣、露點捽油曬太陽的照片，問嘉玲會否擔心被偷拍時，她語帶譏諷地說：「身材咁好，咁開心，怕乜俾人影？」
劉嘉玲前晚往中環麗嘉酒店，為「TheMostCharismaticAwards」頒獎典禮擔任頒獎嘉賓，九位獲表揚的得獎者包括容祖兒、張智霖、郭藹明、黃德如和導演關錦鵬等，而以浪琴表「優雅形象大使」身份擔任頒獎嘉賓的劉嘉玲穿上黑色套裙亮相，輕露纖腰，打扮雍容華貴。
張曼玉早前與外籍男友往葡萄牙度假，被雜誌拍下二人在酒店泳池鴛鴦戲水，其間曼玉解開上截泳衣，露點捽油的照片，嘉玲前晚被問及此事時即詐作不知，還反問記者：「冇睇過，吓？Maggie（張曼玉）乜事呀？」
嘉玲表示剛在上海拍竣劇集，稍後亦希望放假休息，問她會否擔心如曼玉般被偷拍？嘉玲說：「我諗我唔會啩，我唔會咁捽㗎喎，我係護膚品代言人，唔可以曬太陽，只可以喺太陽傘下『燴』，又唔係真係曬。」她還稱如果在安全情況下，也會裸曬。
曼玉的例子前車可鑑，但嘉玲卻表示無懼被偷拍，她說：「開心咪得囉，俾人影到有乜所謂，身材咁好，咁開心，怕乜俾人影？喺外國係好普通嘅事，唔好大驚小怪，唔通曬太陽着到密密實實咩！我自己出trip會小心啲，俾人影到冇辦法㗎，身體係軀殼，冇所謂，思想乾淨咪得囉！」
另外，早前有報道指嘉玲在上海與胡軍唱K後拖手返旅館，她對此說：「邊有拖手？我哋係幾好傾，我哋拍戲、食飯、消夜、唱K好正常，唔食消夜唔唱K又話我同袁詠儀唔啱，我同佢得一場戲咋，大家拍戲好融洽呀。」
此外，郭藹明前晚透露早前與丈夫劉青雲到馬爾代夫玩浮潛，青雲更在酒店全裸曬背，但因他們在人煙疏落的小島居住，若有人拍照必會發現，故她不擔心遭偷拍。
採訪：駱華齡
攝影：陳烱威
