現時全世界均高呼打擊翻版，但最近一個二十四歲的女孩卻反其道而行，挾着「翻版容祖兒」之名高調推出寫真集，還改名為「容祖宜」。成功獵取觀眾注意後，容祖宜打算進軍娛樂圈，她表示不介意跟正版容祖兒同場比拼。
有「深圳容祖兒」之稱的容祖宜，原名譚麗萍（Candy），其推出的性感寫真集引起廣泛關注後，稍後將會來港宣傳，然後逐步進軍香港娛樂圈。
Candy絕對不抗拒長相跟容祖兒相似，甚至已經扮上癮。她日前於內地為本報拍照時，自然地擺出一大堆甫士，無論眼神、笑容還是說話音調，總有意無意滲出容祖兒的「味道」。
記者從任何一個角度看Candy，都覺得她跟容祖兒真的非常相像，而她對別人的反應亦見慣不怪，她說：「讀書嘅時候同學仔已經話我好似容祖兒，當時我唔係咁覺，但𠵱家就覺得似，嘴形同面形都好似。如果問我邊方面最唔同，真係好難答，冇乜人話唔似喎。我好開心可以似容祖兒，如果我哋喺同一個場合出現，我亦唔介意俾人比較，能夠似佢我好榮幸。」
既然有意進軍娛樂圈，但單靠樣子與藝人相像，似乎不是上策，問現時主要在內地任模特兒的Candy可有其他妙計引人注意？
Candy說：「有呢個優勢（與容祖兒樣貌相似）已經好易俾人記得啦，等觀眾慢慢發覺我嘅優點，不過我重未諗點樣打入市場，暫時要透過呢本寫真提高知名度先再發展。不過次次我唱親歌，聽嘅人都話我同容祖兒好似，同埋出咗寫真後，真係多咗人搵我行天橋㗎。」
採訪：王連連 攝影：陳偉權
