賭王何鴻燊家人呢排都可謂多是非，四太有份投資嘅公司俾廉署查完，賭王兒子何猷龍又被指與涉嫌違法嘅先科國際有關。賭王噚晚喺金鐘出席法國國慶日酒會時，都大力幫個仔澄清一番，佢話：「佢本人係一啲利益都冇，電視都已經賣晒新聞澄清。啲股份一秒咁就過咗佢公司，佢真係一啲利益都冇，佢今次係請錯咗員工，出嚟處世，都要等佢學吓嘢。」問賭王有乜金石良言醒吓仔仔，佢就話通過幾次電話，都安慰咗幾句，賭王重話：「（生意）一支箭咁上梗係好㗎，但幾時都會有風浪㗎！」佢又忍唔住重講四太梁安琪件事，話四太半日工都冇返過，賭王話離譜之餘，重表明四太已經冇做公司股東。
（圖）賭王何鴻燊噚日大力幫個仔澄清同先科國際嘅關係。
傳真︰2623-9278
電郵︰