啱啱忙完校本條例嘅教統局常任秘書長羅范椒芬，噚日做「生命教育教案」比賽頒獎嘉賓，大會原本安排得獎老師上台分享美好經驗，點知唔少人都紛紛向羅太投訴教師工作太辛苦，忙到不得了，「我哋做先生，真係好辛苦，真係做到喊，好攰。」甚至有經歷過縮班嘅教師上前陳情，又話自己做嘅已經好努力，「我唔會遊行，唔會示威，因為咁（縮班）冇得教我唔會介意。」
羅太於是勸啲教師放假要好好充電，點知有教師幫同僚控訴，話教統局一邊殺校一邊開校，又規定晒全年上課日數，令教師假期都要返工，羅太就話預測學生人數好唔容易，𠵱家仍然未搵到好好嘅機制保住教師嘅職位，反過嚟叫啲教師畀意見佢，又呼籲教師轉型，唔好淨係教死一科，必要時可以教埋毅進課程。至於上課日收嘅通告呢，就只係供參考，唔係指令。羅太嚟同老師「對談」之餘，亦不忘提番校本條例，話條例無陰謀，又話同呀主教陳日君重有偈傾，關係唔係外界諗得咁惡劣。
傳真︰2623-9278
電郵︰