鄭秀文（Sammi）將於月底在紅館開騷，邀請了何韻詩擔任嘉賓，合演一段歌舞劇「情陷仙樂都」，阿詩反串扮男人，一向以平胸見稱的Sammi，身材自有所不及，屆時的演出，恐怕觀眾未必分得清誰是男誰是女。
鄭秀文昨日在土瓜灣為個唱綵排，嘉賓之一的何韻詩亦有到場，Sammi身穿背心襯外套，更凸顯她平平無奇的身形，而阿詩則身穿T恤，當二人影合照時，Sammi不經意地凝望着阿詩的胸部，更脫口而出說：「望吓望吓，阿詩身材好過我，有啲唔對路喎！」阿詩則說：「一係你搞吓，唔係就我搞吓嘢囉。」
阿詩表示暫時未接到要束胸上陣的要求，但Sammi經理人郭啟華則渴望她們演出親熱場面，但阿詩表示無法接受如此大膽的演出。
Sammi稱該環節是取材自荷李活女星妮歌潔曼（NicoleKidman）主演的歌舞片《情陷紅磨坊》，Sammi欲邀請一位女藝人反串演出，她覺得在芸芸女歌手中只有阿詩最適合。
演唱會其他嘉賓還有趙頌茹、薛凱琪、劉浩龍和林一峰等，在其中一個環節中，Sammi會以奧瑪花曼（UmaThurman）在《標殺令》內的殺手造型亮相。
問Sammi會否請許姓歌手做嘉賓？她意會是許志安，故笑容燦爛地說：「今日冇打算講呢個問題喎！」記者指是許冠傑，並非其他人，Sammi即笑說：「我有好多嘉賓，到時你哋就知，其實我冇特別要求要搵邊個，只係要求請劉德華做嘉賓。」
採訪：駱華齡 攝影：陳烱威
