演而優則唱嘅日本女歌手中島美嘉，喺今個星期六就會推出豪華寫真集《Lovefillsall.》，呢本寫真令人期待嘅地方，除咗內附美嘉親自設計嘅t-back內褲外，就係佢喺本書度到底有幾性感。之前美嘉已將佢嘅t-back寫真照曝光，都算有啲睇頭，而前日出版嘅《周刊現代》，就登咗多幾個shot，主要賣自然同飄逸。不過本書成八百幾蚊港紙，抵唔抵買真係見仁見智啦。