今屆立法會會期結束，噚日立法會設惜別晚宴，特首同十幾位行政會議成員及高官出席，宣布咗唔再選嘅羅致光、李家祥成為焦點，多份報章嘅政治記者夾錢送咗兩大紮玫瑰花畀佢哋，立會主席范徐麗泰亦送咗一座玉石算盤畀「數王」李家祥；一個腦部模型畀「民主黨大腦」羅致光，范太重話希望大家一團和氣。
晚宴後期班議員high晒，爭咪唱歌，涂謹申領唱《友誼之光》，媽田同黃成智將《中國夢》改唱成《中國回鄉夢》，田少就大唱《皇后大道中》，王永平猛叫劉慧卿唱歌，卿姐拒絕後，王永平鬧卿姐「離譜」，跟住好開心咁笑，話卿姐用呢兩個字都鬧得佢哋多，今次輪到佢發威。晚宴菜式豐富，張宇人同黃容根分別送出魚生同泰安雞，重有狀元紅蒸黃油蟹、乳豬、星斑球等。司徒世華攝
傳真︰2623-9278
電郵︰
