【本報訊】全國政協副主席霍英東昨日回應孫兒霍啟中日前涉嫌藏毒被捕事件，他表示，他們一家人事前都不知道此事，孫兒未必了解事情的嚴重性，也不會告訴父母，事件曝光了，對孫兒來說算是一個教訓，「經過呢一次，我睇佢都知道點做人啦！」但他否認霍家管教不嚴、過於放縱孫兒，才會發生這次事件。
霍英東昨日出席一個籌備國慶慶祝會議後，向記者解釋孫兒涉嫌藏毒一事。他表示，現在仍未知道這宗案件將來如何判決，但相信孫兒已得到教訓，「佢上咗呢堂，係佢人生過程中，特別係咁年輕時，係一個好好嘅教訓……唔使點（提點）架啦，我睇佢（以後）自己都識做。」
霍英東被問及霍家是否家教不嚴，太過放縱孫兒，他否認說：「唔係啩？我哋都……即係，老竇教仔、孫就更遠、爭咗一代。」再被問及日後會否督促霍啟中的父親霍震寰管好兒子，他則表示：「𠵱家霍震寰都唔知幾忙！」
但霍英東強調不會偏袒孫兒：「𠵱家唔想為佢辯護乜嘢啦！即係怕好多傳媒有啲誤會，（以為）我為佢講好話。唔係！」
霍啟中是霍英東二兒子霍震寰與前電視藝員陳琪琪所出。他最近由英國返港放暑假，上周日凌晨在港島薄扶林寓所附近，被巡警從他身上搜出小量懷疑大麻煙絲，以及疑用作吸食大麻的煙嘴，他因涉嫌藏毒被拘捕調查後，已獲准保釋候查。