經紀黃當真冇講錯，利福國際（1212）走勢真係飄忽到不得了，噚日最低9.75元，最高10.35元，結果以10.10元收市，微升1%。如果睇得準在低位上到車，真係即日可以收割，袋袋平安。小初可惜冇縛穩安全帶，結果被人震咗出局。
另外，6月中遠東生物制藥（399）發生笨豬跳事件後，再次觸發民企股恐慌沽售，大部份民企都受到影響，就算獲得好多基金垂青的新奧燃氣（2688）亦唔例外，股價由4.10元高位跌至3.40元才喘定。
經紀黃話，新奧最近再獲外資行垂青，出報告大力推介。據講內地燃氣股最令人頭痛嘅地方，就係應收帳嘅數期太長，但新奧的收帳期有縮短迹象，成為唱好既理由之一。
技術上，隻股在3.40元水平好似見咗底，正係吸納之時。新奧噚日低見3.55元，收3.60元，跌1.37%，成交股數218萬股，金額794萬元。經紀黃話，玩新奧唔同利福，需要多些少耐性。
慕容小初