代表金融界嘅立法會議員李國寶，正式表態再次角逐立法會議席，寶Baby喺公布政綱前，先喺美商會午餐會熱身，姿態國際化發表「香港目前經濟環境」演講，暢談香港如何提升為「亞洲的瑞士」之餘，又揶揄阿董施政弊端，實行對外唱衰，寶Baby用語抵死風趣，搞到美商會成班鬼佬笑到人仰馬翻。
阿董成日話香港近年面對嘅痛楚，係由經濟轉型所致，但寶Baby一語道破，「過去二百年來，香港的經濟何時不在轉型？」寶少多年來主張取消遺產稅，指咁嘅政策變相鼓吹大家只喺身壯力健時，先放心將錢留喺香港，有乜風吹草動，立即撤資。
為協助加快廢除遺產稅，佢呼籲在座者移步往附近嘅東亞分行，以離岸信託形式重組資產，推動阿董盡快達成香港成為亞洲瑞士嘅願望喎。咁拉客法，真係服咗你囉。
（圖）寶Baby未參選先熱身，演講時乘機窒吓董伯伯。
傳真︰2623-9278
電郵︰