炎炎夏日有乜好做？游水肯定係最佳活動，選擇去海灘的話，可以買張超大浮床，瞓喺上面曬吓太陽，歎到痹！嫌去沙灘人多擠迫的話，亦可以攞個水泡到屋企的會所泳池游個痛快，三十幾度高溫都冇有怕！
記者：李智聰
攝影：蔡鴻雯、黃子偉
Model：Alice（徐濤演藝製作有限公司）
去海灘，一張搶眼浮床點少得？今年受反斗鱷的影響，令動物造型獨領風騷，一張反斗鱷魚浮床，個個細路見到都愛不釋手，連帶海龜、恐龍都大受歡迎。另外，亦有其他款式的浮床及水泡介紹，一定有款啱你口味！
尺寸：71吋×62吋
Size比真海龜還要大，龜背上有扶手供閣下捉住，讓你浮得舒適。雖然是巨無霸，不過就非常去水，點游點舞都不覺笨重，認住呢隻龜，浮水曬太陽有保證。
售價：$148（a）
尺寸：84吋×56吋
自從南生圍有鱷魚出現之後，鱷魚即時成為今個炎夏的大熱，嬉水梗要有隻喺左近。這隻反斗鱷不懂得曬太陽亦不懂玩弄捕鱷專家，只會乖乖瞓低任你指揮。
售價：$98（a）
尺寸：87吋×46吋
恐龍未必一定恐怖，這隻粉紅色儍龍，不單止是張一流浮床，憑着鮮豔顏色，Cutie賣相，更可以幫主人吸引異性，誠意推介單身男士買番隻，包你有運行。
售價：$138（a）
尺寸：61吋×39.5吋
相比起一般浮床，呢張瞓得更舒服，浮床表面採用防水布質，濕水後亦不會「啜」住身體，想浮在水中曬日光浴或好好睡一覺的話，這張防水布浮床絕對幫到手。
售價：$228（a）
尺寸：107吋×60吋
水上運動愈來愈流行，這款雙人吹氣橡皮艇就適合講潮流又精力旺盛的運動型人士。既可同女朋友仔到海灘扒艇仔，去遊船河同樣啱玩。
售價：$599.9（b）
尺寸：直徑48吋
若嫌浮床太大攜帶不便的話，大可考慮這個彈彈水泡，水泡彈力十足非常好坐，中間位置剛剛好坐到一個成年人，放氣後摺埋細細個，收藏容易。
售價：$79.9（b）
尺寸：直徑36吋
車胎當水泡，現實中你未必敢做。這款車胎形水泡就滿足到不少朋友的狂想，不單止賣相煞食，大大個亦夠實用，胎身夠厚，穿上身嬉水勁有安全感。
售價：$30（a）
尺寸：64吋×27吋
吹氣浮板既可當浮水滑浪之用，又可以當浮床休息，作為嬉水用具確實好玩，動靜皆宜。男士們攞住塊浮板點都有型過揸住個水泡，一百大元有找，確係至抵推介。
售價：$99.9（b）
尺寸：82吋×48吋
浮床Size夠晒大，擘開雙腿大字形瞓喺度都一樣無問題，更加送吹氣枕頭一個，給你至尊級享受。除了當浮床外，設計像船身，當艇仔扒亦未嘗不可。
售價：$149.9（b）
尺寸：63吋×27吋
這款浮床適合歎慣食慣又唔多願郁的朋友，浮床預留了位置給閣下放置飲品，浮床外形更設計成一張梳化般，可以挨住浮喺水，正到暈。浮床末端更開了一個小洞，瞓低曬背脊一流。
售價：$79.9（b）
現今的小朋友真幸福，就連游水都大把玩具玩。水槍發展到射到三十幾呎，以前細路仔去沙灘最多放船仔，𠵱家遙控潛水艇都出埋，高科技製作百多元已有交易。
外形Cyber靚仔，容量可達一公升，射程更達到三十八呎。有一支重型水槍在手，約埋情敵一齊游水就最好不過。
售價：$159（e）
蜘蛛俠是近期的焦點所在，這支蜘蛛俠水槍雖然唔能夠幫你飛天遁地，不過造型夠Cool，而且食正潮流。射程亦有三十呎，夠份量在沙灘泳池儆惡懲奸。
售價：$199.9（b）
大約兩隻手指般大的微型快艇，設計精美，遙控範圍約有12呎，雖然是玩具，不過速度亦頗快，而且控制暢順，大人細路一樣啱玩。
售價：$149（e）
入水能游，出水能行，既是橡皮艇亦是遙控車。這隻水陸兩用的橡皮艇，是到沙灘嬉水的最佳玩具，遙控範圍更遠達15呎，厲害！厲害！
售價：$118（e）
先將水彈放在膠球內，然後預設時間，時間一到內裏的水彈就會受壓爆開。這個計時炸彈講求膽識及默契，是玩集體遊戲時的最佳道具。
售價：$49.9（b）
這些七彩膠枝放進水中會在水底隨水壓轉動，遊戲設計是考眼明手快，參加者鬥快察覺膠枝的位置，然後鬥快搶奪膠枝。由於膠枝會隨水飄動，要捉緊亦絕不容易。
售價：$39.9（b）
香港游水可以捉到魚是天方夜譚，不過可以買條魚仔放落水，為朋友製造希望。這條鬼馬魚仔像真度極高，在水中非常生猛活潑，是整蠱人的最佳拍檔。
售價：$12.9（b）
既可當玩具又可防狼，穿三點式的女郎最好買個傍身。實際一點，這個鎚仔不但外形討好有玩味，浮力亦不俗，可以當埋水泡用。
售價：$15（a）
本來一邊享受日光浴，一邊歎汽水是件賞心樂事，但罐汽水曬到火辣辣就真係大殺風景，呢個時候你需要一個手提冰箱幫幫手。現時的手提保冷用品都有新搞作，要輕便可以揀冰袋，要實用的，有些冰箱更可當作餐枱使用。
尺寸：18.5吋×11.5吋
手提冰箱附設兩張椅子，冰箱兩邊更可以伸展成一張小餐枱，全長可達36.5吋，何止到海灘有用，就算帶去郊外野餐一樣無問題。值得一讚是攜帶方便，而且椅子是偷位藏在兩側，設計非常有心思。
售價：$499（c）
半打裝設計，三五知己游水啱啱好，冰袋攜帶方便，而且保冷數小時亦不成問題。給大家一個貼士，不論手提冰袋或手提冰箱，要保冷持久的話切忌經常開關。
售價：$49（d）
尺寸：18吋×10吋
冰箱可擺放十多人飲品的份量，提提大家，手提冰箱最好還是採用冰種作冷凍劑，一來冰種可以再用，合乎經濟原則，二來冰粒會溶解變水，影響溫度。
售價：$199（d）
（a）生意滔 34223101
（b）玩具反斗城 27309462
（c）先施 28301016
（d）崇光百貨 28338338
（e）JCShop 31022783