夏日炎炎，沙田禾輋邨商場部份商舖，一個月前開始沒有冷氣供應，商戶生意受嚴重影響，苦不堪言，商戶投訴房屋署官僚，效率緩慢，要到本月底才能更換裝置，商戶仍要再捱熱接近一個月。
禾輋邨商場一間飯店負責人陳先生稱，一個月前開始已沒有冷氣供應，雖曾多次向管理公司投訴，但一直未有改善。
「問親都冇確實答覆幾時有改善，惟有自己出錢裝住部冷氣機頂住先，重開晒八把風扇，但重有食客熱到要除衫食飯，你話幾熱喇！」
商場一麵店負責人何先生抱怨，開業不久冷氣即發生故障，令生意受損。
「食客一行入嚟就話：『吓，冇冷氣呀，咁走咯。』我哋做熱食嘅，冇冷氣啲客食到成身汗，點做生意呀！」
他稱，近半年來商場冷氣系統已間歇性出現問題，「試過幾次星期日出事，成日冇冷氣，一冇就冇成日；早排母親節都係咁，你話我損失幾嚴重！」
記者日前於中午時分前往禾輋邨商場了解，發現商場空氣悶熱侷促，僅有微弱冷氣，縱然是當旺午市，食店仍是生意冷清，其餘小食店、沖曬店和書報攤等均受影響。
管理禾輋邨商場的高達物業管理公司管業經理何先生表示，近半年來，一直有派員跟進商場冷氣系統間歇故障情況，且曾替部份商戶更換裝置。
他稱，約一個月前開始，商場內部份商戶的獨立冷氣製凍系統，因老化出現故障，管理公司得悉情況後，已即時通知房屋署商業樓宇科，然後再轉介工程組跟進。據悉，工程組可於本月23日前更換有關裝置。個別商戶可透過書面索償，由管理公司轉交房署商業樓宇科跟進。 （○七○五○六三）
沙田區區議員李躍輝表示，半年前已有商戶投訴商場冷氣供應間歇失靈，管理公司雖曾承諾跟進，但一個月前完全沒有冷氣供應，且今次更持續整月，房署和管理公司效率緩慢，遲遲未能解決問題，
「之前已經同我哋講話搞掂，轉頭就冇冷氣成個月，希望今次真係可以喺月底前更換晒啲裝置，令受影響商戶有番冷氣啦。」
服務熱線
電話：29908288
傳真：23702192
電郵：