兩位大狀湯家驊同梁家傑周日宣布參加九月立法會選舉，雖然事前已經占卜問卦，擇日出動，點知梁家傑個仔仔皓雲都差啲中招，八方問梁大狀會否追究？佢一本正經咁話，第一，隻雞蛋冇真係擲中佢個仔，只係擊中條柱，啲蛋汁濺在身上；第二，佢本人當然冇法接受有類似暴力行為，但係希望僅此一次，不再發生。
八方問大狀要否戴頭盔去洗樓，梁家傑笑住話唔使，反正佢先會去九東選區九個地鐵站派傳單。湯梁已出馬，余若薇同吳靄儀事忙，稍後才動身，八方問幫湯梁助選嘅劉嘉儀邊個係兩人嘅競選經理？劉小姐目前談不上呢個銜頭，而為咗迎接九月選舉，兩大狀已經喺中環雪廠街租得一個小房間，作為中央選舉總部，曾任劉慧卿助理嘅劉嘉儀負責項目策劃，幫開何秀蘭嘅謝小雯過檔做CEO，負責行政。
咁即係前綫卿姐幫人亦幫自己，因為最終佢會同湯大狀一張名單出選。劉謝都身經百戰，劉嘉儀更剛從北大讀完碩士返嚟，正好大派用場。
（圖）梁家傑同湯家驊嘅宣傳單張。
傳真︰2623-9278
電郵︰