【本報訊】工聯會副理事長陳婉嫻可能是唯一肯公開肯定及讚揚7.1遊行的傳統左派人士。她認為7.1遊行是好事，甚至大膽建議特首董建華以後應該年年參與7.1遊行，因為每次7.1都有數十萬有政治主見的人上街，是聆聽民意的最佳機會。嫻姐又把香港高官逐個品評一番，她直指特首董建華是「裙腳仔」、財政司司長唐英年「最強硬」。
「有個市民同我講，如果我係特首，我年年7.1都會行出嚟，呢個係聽民意嘅最佳機會。」嫻姐表示，她認同這種講法，「（去年）7.1、11.23（區議會選舉）後，有人搵我傾偈，我都係講類似咁嘅說話。」
對於特首董建華，嫻姐有點恨鐵不成鋼，「香港成日要靠中央係唔得……細路仔應該要經歷風浪，咁樣先會長大，唔好做裙腳仔。」
談到下任特首熱門人選、財政司司長唐英年，嫻姐更不禁動了肝火，批評他忽視工人，佢「最強硬、叻政治。可能佢係工商界出身，勞工界嘅嘢唔聽，或者認為我親中，但工聯會嘅容忍係有限度！」
她最欣賞經濟發展及勞工局局長葉澍堃，「好叻，佢係好識磨合嘅官」，而他之前出任勞工處處長，處理勞資問題也處理得很好。
民望高企的環境運輸及工務局局長廖秀冬，嫻姐這樣形容她：「本來幾好，但就好煩、唔係好肯見人，約極佢都唔肯見，淡化咗先至見，遲早可能會出問題。」
衞生福利及食物局局長楊永強近期成了箭靶，嫻姐卻為他抱不平，「楊永強會聽我哋講嘢，佢都食咗好多苦頭……（受禽流感影響）雞販獲得特惠金，係楊永強喺行政會議幫手爭取……佢係願意諗嘢。」
駐倫敦經貿辦事處處長林鄭月娥被嫻姐指是「數口厲害」的官員。
民政事務局常任秘書長李麗娟則「好有心、肯做」，嫻姐記得曾接獲一名「幾日冇飯食」的市民求助，但當區的民政事務專員不願處理，一找李麗娟，她便立刻開放避暑中心讓市民入住。
至於她經常交手的經濟發展及勞工局常任秘書長張建宗，評價是：「太滑，但係有心做事。」
房屋及規劃地政局局長孫明揚也被嫻姐嚴厲批評，「除咗孫公外，個個都肯聽你講，孫公好似嚿石。」