EMI唱片公司昨登報發表聲明，指有年輕人遭不法分子利用EMI的商標印製名片及假冒員工詐取金錢，該公司旗下歌手提醒年輕人，EMI是國際大機構，絕不會收錢試音，而有志闖星途的年輕人，亦應透過如歌唱比賽等正途加入，以免受騙。
EMI旗下女子組合Cookies表示，EMI是一間國際大機構，如果公司要發掘新人，絕不會利用收錢試音的手法，Cookies勸喻有志闖星途的年輕人要小心選擇：「大家要打醒十二分精神，千祈唔好俾人呃。」EMI旗下另一名歌手梁漢文則說：「我建議想入行嘅年輕人，佢哋可以循好多正確途徑，好似可以參加歌唱比賽，千祈唔好畀錢去試音，唔好俾人呃咗啲血汗錢。」
本報記者