中策組突然提前叫顧問練乙錚（圖）收工，八方聽聞，作為阿頭嘅劉兆佳有口難言，皆因決定不是由他拍板，練顧問究竟做了些甚麼阿爺要去之而後快，大概只有天知地知同佢哋知。
八方問練顧問嘅朋友及舊同事、科大教授雷鼎鳴，練兄會否因丟官而有生活壓力？雷教授叫八方少擔心，因為練兄太太有工作，個仔亦已於哈佛大學畢業，以練兄對生活物質要求之低，其身家足以食一百世，與城中首富李嘉誠沒分高下。
佢重話，練兄有中國人傳統節儉美德，對消費興趣不大，每月用於開飯嘅支出比赤貧家庭還低，所以雷鼎鳴估計佢一定有所積蓄，不愁兩餐，其實練兄同政府唔啱key已聽聞好耐，走係遲早嘅事，至於佢會唔會重返科大任教，目前言之尚早，不過，由於練兄已毋須返中策組，佢一定會時常喺大學出現。
練乙錚同老董身邊紅人王于漸都係九華同學，中一到中六均同班，不過，就有啲同人唔同命啦。
傳真︰2623-9278
電郵︰