Twins遭菲傭打嚇留陰影

女子組合Twins、盧巧音、余文樂、張敬軒、戴夢夢、鄧穎芝和李逸朗等，前晚在鯉魚門公園度假村出席新城「天光運動天黑唱熱派對」。
蔡卓妍（阿Sa）和鍾欣桐（阿嬌）不約而同表示小時候曾被菲傭欺負，阿Sa說：「我細個試過俾菲傭打，同媽咪投訴都唔理，佢試過掌摑我，𠵱家鼻樑重有疤痕。」阿嬌則說：「菲傭試過用掃把恐嚇我，後來佢有咗BB就冇做，我細個都好曳，八號風球都偷偷走出街話要返學。」阿嬌現在亦有僱用菲傭，她說：「𠵱家個菲傭幫咗我好耐，唔怕佢洩露我啲嘢出去。」

李逸朗被嘲火星人
此外，李逸朗在無綫新劇《十兄弟》的造型備受批評，他說：「大家都話我似外星人，公司同事重叫我唔好喺地球發展，要去火星。」盧巧音則表示有意仿效莫文蔚早年露股拍攝唱片封套。