許志安、任達華、黃貫中、王敏德昨日在銅鑼灣出席「TheMostInspirableMen」選舉頒獎禮，四人同時奪得「型男獎」，莫文蔚則擔任頒獎嘉賓。
安仔表示自覺是型男，他說：「我型在骨子裏，眼夠細鼻夠突出，不過我心目中型男係木村拓哉，佢結咗婚有埋ＢＢ就更加型，至於我就暫時唔想結婚生仔。」
而莫文蔚心目中的型男毋須英俊或有健碩體形，問她的男友馮德倫是否屬於型男？她說：「佢（馮德倫）覺得自己係靚仔㗎，不過我都覺得佢靚仔，靚仔靚女做呢行係着數好多，𠵱家好多男仔都好貪靚，可能係因為靠個樣搵食。」
採訪：魯萍 攝影：陳偉權