一向被視為「立法會鐵娘子」嘅劉慧卿，原來都好關心男士嘅心理健康，噚日喺旺角街頭宣傳前綫星期四喺灣仔社聯舉行嘅「男士壓力研討會」（圖）。噚日又即場請男性路人於宣導板上投票，揀出最感到壓力嘅事項，最多男士選「經濟壓力」，亦有好多人選「工時過長」，而「性能力」一項，只有一票話感到有壓力，唔知係香港男士怕羞定真係完全冇呢方面問題呢？
卿姐就話，據佢所知，佢位大狀老公潘松輝唔多唔少都會有啲工作上嘅壓力，所以兩公婆呢個月二十二號會起程去日本北海道歎番吓。咦？七月二十二日咪係下屆立法會選舉接受報名第一日？乜卿姐咁輕鬆，唔使霸頭位報名咩？張志華攝
傳真︰2623-9278
電郵︰