八方噚日講過特區政府為谷高投票率，準備喺投票前一個星期玩countdown，搵七個高人呼籲啲選民投票，八方姑且喺呢度同政府做吓免費宣傳，邊個心目中有最佳人選不妨出聲，投票定高下嘅話，曾憲梓同鄔醫生一定出線。
其實只要7.1遊行當日大家有喺現場，就知道佢兩位加埋振英哥同老董幾不得人心。
八方又聽聞，除咗谷投票率之外，政府亦想多啲人出嚟參選，唔好俾啲民主派人士玩晒，於是佢哋今年可能破天荒叫人去做候選人，熱心公職。
咁中聯辦今次咁全情投入，差唔多個個界別都有專人睇實，想唔多人參選都唔得。選舉宣傳梗係要講錢，有人話成百萬咁用，真係冇乜必要，因為見到7.1咁墟冚，都知多此一舉啦。
傳真︰2623-9278
電郵︰