李宗盛當年與首任妻子朱衛茵離婚後，曾引用自己所作的《領悟》歌詞「我們的愛若是錯誤，願你我沒有白白受苦」來表達感受，想不到昨日他宣布與林憶蓮離婚，同樣引用此兩句歌詞。
林憶蓮（Sandy）與李宗盛的六年婚姻失敗收場，當年李宗盛與首任妻子朱衛茵離婚後，九九年朱衛茵出書時，他曾送花致賀，並引用他為辛曉琪所寫《領悟》的歌詞「我們的愛若是錯誤，願你我沒有白白受苦……」來形容他的感受。想不到幾年後，李宗盛與第二任妻子林憶蓮離婚，同樣借用這兩句歌詞來告別。
曾與憶蓮拍拖的許愿亦經歷婚姻失敗，昨日他接受電話訪問時說：「吓！乜公布咗啦？我唔覺得好突然，希望佢兩個離婚冇我咁大鑊，我係過來人，知道佢哋𠵱家要面對家庭、子女同傳媒壓力好辛苦。」
許愿續說：「只要做父母嘅可以畀多啲時間愛錫仔女，我相信兒女一樣可以喺健康環境下成長。我同憶蓮好多年冇見，記得同憶蓮分手後，佢同李宗盛認識都係我介紹嘅，因為嗰陣我搵佢幫憶蓮寫咗首《當愛已成往事》，後來佢哋就開始發展。」
憶蓮好友的倫永亮對憶蓮離婚表現錯愕，他昨日接受電話訪問時說：「我都係半個鐘頭之前Sandy經理人話我知，但我未打電話畀Sandy。我見過Jonathan（李宗盛），不過我同佢一向冇乜兩句，我今次都幾震驚，同幾可惜，如果佢兩個發得聲明應該唔係流料，但佢咁大個人，我會明白同尊重佢哋。」
此外，成龍兒子房祖名向李宗盛拜師學唱歌，問祖名可覺得師傅近日心情異樣？他昨日說：「冇，我哋多數只講音樂，我感覺唔到佢情緒有唔開心。」祖名可會安慰李宗盛？他說：「好似仔同老竇咁，希望佢冇事，將所有事都變成好事，藉此作多啲好歌畀大家聽。」祖名兩年前在加拿大見過林憶蓮，最近卻沒有碰過面。至於憶蓮的歌迷梁詠琪說：「如果雙方都係藝人都好難維繫感情。」
採訪：戴彩煥、蔡丹
