蘋果教育基金喺今年初撥款超過128萬，直接資助成績優異嘅清貧學生，令340位中小學生受惠。為咗獎勵呢班讀書成績好嘅助學金得主，等佢哋有機會出外旅遊增廣見聞，「康泰善學暖流行動」將會贊助5位蘋果助學金得主參加「康泰狀元旅遊萬里行2004」。
蘋果教育基金將會按03-04年度助學金計劃所評核嘅分數，由最高分數依次揀選5位願意參與旅遊嘅高中學生參加，喺下月16至21號遊北京。
呢次萬里行嘅行程，唔少得去長城、故宮睇吓中國歷史文化，其次會去參觀國旗兵步隊、坦克車部隊訓練、太空樂園，認識國家軍事同埋航天科技嘅發展概況。而最難得係同學有機會參觀北京大學，同當地學生、教授見面，了解兩地嘅學習同教育文化。
大使喺度代表受惠嘅5位學生多謝康泰旅行社慷慨贊助，至於邊啲學生有機會去玩，就要密切留意暖流版稍後嘅報道。
暖流熱線
電話：29908688
傳真：23702192
電郵：
網址：