電盈嘅地產旗艦盈科大衍，近期又招兵買馬，上星期五委任咗港大商業及經濟學院院長王于漸做獨立非執行董事。王教授啱啱先被港大委任為首席副校長，九月履新，任期五年，今次小小超李澤楷又再搵佢，都可算係大忙人。
聽講王教授甚獲董特首賞識，係老董家族公司東方海外獨立非執行董事，佢公職亦好多，包括政府經濟諮詢委員會委員、房委會委員、大學教育資助委員會委員、金管局外滙基金諮詢委員會委員。王教授亦一早得小小超賞識，做旗下公司董事，同時亦獲得小小超老竇李嘉誠賞識，李超人旗下間長江生命科技亦有搵王教授做獨立非執行董事。咁嘅背景，王教授真係唔簡單。
（圖）王于漸身兼多職，係大忙人。
傳真︰2623-9278
電郵︰