大狀湯家驊雖然已經誓咗師參選立法會，但佢話都重未可以全力競選，因為佢重有一單官司要打，但好彩單官司唔係乜嘢「世紀爭產案」，估計十日就搞掂，唔會霸好多時間。
湯大狀個仔煒軒好有民主意識，好支持老竇參選。湯太Daisy就話，一聽到老竇話要選，個仔好支持咁話：「如果你唔出嚟選，咁邊個出嚟選？」
煒軒同八方講，爸爸去參選好啱，暑假冇得去旅行都係小事啫，「香港咁嘅樣，大家都想香港好啲」。煒軒同老竇一樣咁鍾意法律，佢今年會考，八月都要等放榜，佢好希望大學喺港大讀law，然後去外國進修，跟住做大律師。
（圖）煒軒好關心香港，因此支持爸爸參選。
傳真︰2623-9278
電郵︰