八方最近收到料，政府會動用一筆錢動員嚟叫市民投票，務求谷高投票率。聽聞其中一個辦法就係搵十個八個名人拍電視短片，一於靠名人效應。
有多口之人搭嘴，話適合人選遠在天邊、近在眼前，第一個應該搵嘅就係曾人大常委曾憲梓，佢一開聲，閒閒地都可以激多一萬幾千人出街投票，第二個就係發表過狗餅論嘅人大鄔維庸，當然唔少得揸住美國護照而教人愛國嘅「愛國商人」陳啟宗。
另外，重播政協常委陳永棋、政協羅康瑞等人嘅佳句，例如陳永棋批評遊行人士搞衰香港，「香港要依靠內地帶起經濟，食飯『多件叉燒』最重要」，羅康瑞最大口氣嗰句就係「咁唔鍾意可以走」，相信都有谷高投票率嘅功效。
傳真︰2623-9278
電郵︰