萬綺雯、陳煒和尹天照前晚在中環拍攝亞視劇集《我和殭屍有個約會3之永恆國度》，萬綺雯一如既往露出長腿捉殭屍。劇情講述萬綺雯的女兒變成了殭屍，萬綺雯要親自制服她，由於飾演其女兒的郭家頤是新人，多個鏡頭均要萬綺雯和尹天照教導。
而萬綺雯拍攝時只穿上波鞋，她說：「因為之前整親條腰重未好番，驚會震動到啲神經線，所以唔着得高踭鞋，啲動作戲都係由男替身幫手，但男仔始終係大隻啲，同我有啲出入。」
陳煒在劇中飾演聖母，但裝扮卻頗性感，不比萬綺雯輸蝕。雖然戲服搶眼，陳煒卻有苦自己知，她說：「戲中我係一個千萬年前嘅人，所以拍攝嘅環境都係荒山野嶺，又俾蚊針又曬到皮膚黑晒，都好大犧牲㗎。」
採訪、攝影：卓寶花
