大狀梁家傑噚日落黃大仙，同民主黨拍檔肥仔明、胡志偉同埋何偉途一齊派傳單。睇嚟梁大狀同民主黨三戰友真係唔多熟，佢嗌咪時將胡志偉同埋何偉途，撈埋一齊叫咗做「胡錦濤」，叫市民支持佢、肥仔明同埋「胡錦濤」。好彩梁大狀嗌完都知衰，即刻改番正。聽到梁大狀嗌錯咪，有助選團同八方講，不如搵正牌胡錦濤排第四啦，肯定掃低晒民建聯！
不過噚日最唔好彩都係梁大狀個愛兒皓雲，無端端喺黃大仙下邨附近被空襲「流蛋」。熟悉黃大仙嘅陶君行話，該區可謂共產黨嘅「解放區」，佢平時喺嗰區做嘢，都試過俾人推撞，更差啲俾盆栽擊中，佢建議梁大狀以後遇到咁嘅情況都應該報警。
傳真︰2623-9278
電郵︰