張達明的妻子上周二為他添一名女兒，他最難忘是入產房陪太太分娩，看到女兒誕生一刻，達明顯得頗為激動，更親手為女兒剪臍帶。達明替女兒取名為子蕎，寓意宋慧喬和章子怡的混合體。
張達明的太太於上周二（六日）入院剖腹誕下七磅三安士的女兒，在產房陪同妻子分娩的達明，目睹女兒誕生一刻顯得頗為激動，她的太太生第一胎時，達明並沒有陪同入產房，但今次他不但全程跟到實，還替女兒剪臍帶及拍照。
達明的女兒取名為張子蕎，他說：「我想女兒係宋慧喬同章子怡兩位紅星嘅混合體，但係因為『喬』字太硬，所以就加草花頭，改子蕎呢個名。不過有朋友就提議我不如改張玉珊呢個名，話晒都係上市公司主席，但我最後都係覺得子蕎個名好啲。」
達明的女兒出生時，醫生教他如何為BB女拍照和剪臍帶，達明說：「入產房睇住個女出世，特別喺剪臍帶嗰一刻，心情好緊張，唔知點剪法，後來醫生喺隔籬教我，心情先緩和。」
不少圈中好友紛紛致電達明恭賀他弄瓦之喜，達明說：「經理人公司已經送咗尿片畀我，其他好朋友未知會送乜，不過老婆就想我送鑽石畀佢做禮物，而子由知道自己做咗哥哥，見到妹妹時，佢望到眼都唔眨。啲護士同子由講，話佢都係喺呢間醫院出世，點知個仔答護士：『我係呢度嘅婦產科醫生。』認真搞笑！」
