吳卓羲、楊怡、胡定欣及陳山葱等，昨日在尖沙嘴出席無綫新劇《大唐雙龍傳》的水上宣傳活動，雖然女藝員未有穿上性感泳衣，但眾人情緒高漲，當中楊怡由於不諳泳術，在水中玩遊戲時表現緊張，不時大叫救命，又用手按着拍檔陳山葱，令對方飲了一肚水。
吳卓羲、楊怡、胡定欣及陳山葱等，昨日在美麗華酒店游泳池出席無綫新劇《大唐雙龍傳》的水上競技宣傳活動，一眾演員穿上背心及短褲，並在巨龍冰雕前拍照，不過冰雕突然斷開，壓向射燈，並墮落在楊怡的腳上，幸好未有人受傷。
由於楊怡不諳泳術，故戴上手臂水泡，但落水後她依然顯得十分狼狽。遊戲進行期間，夥拍楊怡的陳山葱為照顧對方，不時被她在水中拍打及㩒落水，最後陳山葱更飲了幾口泳池水。
鄧浩光及蔡子健為了扶着楊怡，亦幾乎觸及她的敏感部位。事後楊怡說：「我都唔識游水，為咗宣傳冇辦法啦，佢哋又推我去深水嗰度，我都唔知㩒咗陳山葱落水，真係唔好意思！當時我只顧住叫救命。」
身為男主角的吳卓羲昨日與同劇女演員保持距離，問到他是否怕傳緋聞，吳卓羲說：「唔係，邊有呀，都冇嘢！況且楊怡我同佢都識咗好耐，我哋好好朋友。」
對於緋聞女友胡定欣被封為「無綫嗲霸」，吳卓羲力撐說：「佢又冇嗲過我喎，可能我唔夠吸引力啦！佢都只不過係普通女仔一個。」此外，問胡定欣有報道指她經常出入吳浩康位於麗港城的住所時，她說：「嗰日我只係去搵朋友，係記者同我講我先知佢住喺嗰度，我同佢識咗五年，佢都冇追過我，大家只係朋友關係。」
採訪：卓寶花
攝影：陳烱威
