楊千嬅、劉青雲、許冠文、古天樂、郭富城和應采兒等，昨日齊到九龍灣展貿中心，為電影《煎釀叁寶》及《柔道龍虎榜》宣傳。剛從美加演唱返港的千嬅，現正忙於為《煎》片補戲。
對於張栢芝和陳慧琳遭內地不法商人假冒二人簽合約偷步申請批文一事，千嬅昨日說：「奶粉、豉油就有假啫，經理人公司喺北京有分公司，所以呢啲嘢有人負責，不過我十月前都唔會去內地工作。其實最好嘅方法係快啲換番張智能身份證，用手指模核對身份，而我平時喺文件上嘅簽名同簽畀fans嘅唔一樣。」
而郭富城則表示其經理人公司處理申請批文一向穩陣，他說：「我哋只會同內地一間公司合作，咁耐都未出過事，亦都希望唔會，因為有事損失嘅係歌迷，同時亦令到佢哋對演唱會失去信心。況且我內地有好多地方都有歌迷會，經常有聯繫。」
此外，許冠文透露年底將開拍新片《男人曳曳》，由他自編自導及自演，女主角則屬意栢芝。
採訪：史丹
攝影：何國豪
