立法會內最強「棟篤笑」高手，非「飛天豬」朱幼麟莫屬，舊年佢一個將官員當叉燒嚟燒嘅笑話，博得議員掌聲，今次立法會惜別議案，佢又講番個將立會議員當叉燒咁燒嘅棟篤笑，重一人分飾多角，搵同僚嚟開玩笑。
佢隻古仔係咁：「飛天豬話上次燒完高官，為咗公平公正，今次要燒番啲議員做叉燒，呢個時候，劉慧卿拎把刀仔出來，話要推動『一人一刀』。司徒華就建議上次燒個官，今次要燒議員，咁可以改善行政立法關係，但係劉千石聽到，就可能腳軟，飛天豬話佢問華叔燒邊個議員好，華叔叫佢問彼得與猶大喎。」
「李柱銘呢個時候起身，話燒議員係重大事件，要諮詢國際社會，所以佢要去美國，田少就話要去北京，但講明佢返來大家咪打電話畀佢，特別係來電顯示係C.E.（特首），佢一定唔覆。」
「飛天豬自己趁燒議員嘅時候，靜靜雞燒埋佢拎上北京份回鄉證名單，因為劉慧卿成日追問佢份名單有冇佢個名，𠵱家冇咗名單，佢可以好大聲話『有！』最後燒好成份叉燒，要送一份畀李國寶，但要送去巴黎佢間酒店房，放喺佢門口鞋邊就得！」
傳真︰2623-9278
電郵︰