英國名車Bentley前晚舉行四百多萬元新車登場晚會，由名模佩戴DavidMorris珠寶陪襯，一幕香車美人的華麗畫面閃耀會場。任司儀的郭秀雲透露雖愛揸快車，但寧玩笨豬跳尋找刺激，免發生車禍害人。
英國名車Bentley（賓利）推出價值逾四百五十萬元的高級轎車Arnage系列，前晚在灣仔會展舉行大型晚會。同場更舉行英國名牌DavidMorris珠寶騷，由六位本地名模包括李嘉慧、歐陽妙芝、LisaS.、Balia和Ren等穿上Escada新裝配襯，構成一幅金光璀璨又閃耀華貴的名車珠寶圖。
郭秀雲以黑色低胸裝出任司儀，並大談車經，她說：「我好鍾意靚車，不過未識欣賞Bentley。以前喺英國，我自己賺錢買過一部林寶堅尼Jalpa限量版，全球得幾百部，後來返香港用唔着就賣咗。」
郭秀雲續說：「我鍾意揸快車嗰份速度感，夠晒刺激，不過揸快車易出意外，重會連累人，我會玩笨豬跳、水上活動代替。」她又表示兒子暑期將到英國讀寄宿學校，她表示擔心多於捨不得，她說：「佢喺香港俾人服侍慣，喺外國就要自己照顧自己，我冇同佢爹哋（錢小豪）商量過，細路讀書嘅事一向我揸主意。」
此外，李嘉慧近日接拍豐胸廣告，拍攝了一輯沙灘上裸露半身的性感照，更有指此乃她婚前最後一博，前晚李嘉慧拒絕接受訪問之餘，更坐貨𨋢走後門離開。
而去到捧場的榮文蔚被問到好友毛玉萍涉操控公司股價一案將於月底判決，她說：「佢份人好好，我都好擔心，𠵱家都抽時間陪佢食飯、散心，佢心情都OK。」
採訪：JessicaNgan
攝影：RickyChan
