昨日有一名讀者向本報投訴，指鄭明明居於印尼的胞弟鄭元琦及其妻，替他把二十多萬港元兌換為印尼幣時，從中騙取二千多元差額，又指鄭元琦拖欠七十元長途電話費半年不還，其後他找鄭明明代還，但鄭的秘書要求住元朗的他到尖沙嘴領取，該名讀者昨日表示：「咁遠去攞七十元，不近人情，我係佢另一個細佬鄭元璋嘅朋友，佢兩公婆（指鄭元琦夫婦）專呃熟人。」
記者就此事向鄭明明查詢，她說：「呢個先生同我細佬鄭元璋一樣，有啲情緒病，林建明已經幫緊佢哋。至於嗰七十元，我請佢由元朗坐的士去尖沙嘴攞番，車費我畀。至於話我細佬呃佢二千幾蚊，又點會呢？換錢係你情我願，我弟婦係用銀行兌換率同佢換嘅。」鄭明明表示體諒對方，對錢銀欠缺安全感，故不會追究事件。