李克勤、鄧肇欣、莫文蔚及曹眾等，昨日在新城市廣場出席愛護動物協會活動，並為狗展擔任評判。
莫文蔚昨日在現場看見各種不同的狗隻簡直是愛不釋手，她說：「見到啲狗咁可愛真係好開心，不過我𠵱家冇養狗，貓就有養，將來如果有錢，我希望可以喺外地開農場養各種唔同嘅動物。」記者問莫文蔚男友馮德倫是否喜歡動物？她支吾以對說：「我唔知喎！」
最近IFPI疑因無綫侵犯版權打算採取法律行動，作為歌手的李克勤說：「呢件事係唱片公司同無綫嘅紛爭，我都唔係咁清楚，不過如果我係一位歌迷嘅身份，我就覺得最好出埋DVD重好，因為歌迷梗係想收藏偶像作品，之不過站喺唱片公司立場，睇法可能就唔同。」
採訪：胡比