由同名漫畫改編嘅電影《惡魔人》，將於十月喺日本公映。而前日已經開始公開發售電影嘅優先場戲票，重附送一隻收錄咗十分鐘拍攝花絮嘅DVD㖭。喺呢二萬張限量嘅DVD裏面，收錄咗好多套戲嘅CG同特技拍攝過程。而電影裏面嘅角色造型海報已經張貼喺戲院度，其中以名模富永愛所飾演嘅妖鳥造型最為大膽，相信冇幾耐就會畀fans偷走。