女子組合Twins及古巨基等，昨日到香港公園室內運動場出席「基本法常識才藝大賽」錄影，提到內地有代理公司為了早日取得批文而冒充藝人簽名，Twins表示公司會代她們處理，其助手亦指唱片公司每一次都會等待有關公司取得批文後，才會交給藝人簽約。
另一方面，無綫近日推出由歌手主演的音樂特輯VCD，有人建議杯葛無綫，蔡卓妍（阿Sa）說：「其實係咪要畀錢藝人㗎？我唔理咁多嘢啦，不如問咗陳奕迅點答先啦，嗰個音樂特輯我都係客串。」
此外，有報道指陳冠希（Edison）一腳踏兩船，當記者未說完Edison的名字時，鍾欣桐（阿嬌）已經搶着說：「唔關我事，唔好求其牽連到都走嚟問我，你哋問嚟問去都係嗰啲問題，我上次講過唔好再問我。」而基仔則透露許冠傑要求他畫漫畫，他說：「歌神叫我畫一幅靚女着背心短裙嘅漫畫，我會依照周慧敏當年着宮廷服嘅身材去做藍本。」
採訪：李珮洳
攝影：陳烱威