賭王千金何超瓊前晚出席一頒獎禮時，被問到娛圈毒潮猖獗，她不贊同藝人以毒品減壓，更向胞妹何超儀力陳毒害，抗拒引誘。超瓊更表示自小家教甚嚴，犯錯會被罰跪祖先。
特首董建華胞妹金董建平獲選為「2004萬寶龍國際藝術贊助大獎」香港區得獎人，前晚董家上下一同出席於尖沙嘴舉行的頒獎禮，除特首董建華及董溫子華外，好友張敏儀、張天愛、廖本懷夫婦等均盛裝出席，魯平媳婦姚珏更表演小提琴贈興。
賭王何鴻燊千金何超瓊（Pansy）到場時，被問到近期娛樂圈泛毒潮，會否擔心胞妹何超儀（Josie）受影響？Pansy即說：「我好贊成社會唔接納用毒品減壓，不過今時今日嘅公眾人物同藝人真係面對好大壓力，成日俾人評頭品足，冇晒私隱，拍拖、飲酒都好惶恐。」
有記者表示何超儀被外間批評與吸毒藝人剪影相似，Pansy表示不會理會這些暗示，她說：「若果Josie講嘢，咪即係對號入座？」但她承認有提醒Josie小心，勿受毒品引誘，她說：「毒品對佢事業同創作都冇幫助。」
問Pansy可有見過圈中人吸毒？她竟說：「好少會公開、大庭廣眾咁食，通常都係一班人，信得過先做。」Pansy又表示自小家教甚嚴，Pansy說：「Josie試過駁嘴、讀書唔留心被罰跪祖先，因為佢自細比較活潑。」
而張天愛則穿上自己設計的大露背、高衩長裙示人，舉手投足都小心翼翼，她說：「今日冇戴Bra，真空上陣，好驚走光！」增磅不少的她揚言要減肥二十磅，她說：「到時可能連胸都冇埋！」張天愛又透露近日積極練舞，下月中會與夫婿王盛德首次合作演出《Raymonda》芭蕾舞劇。
採訪：JessicaNgan
攝影：MatthewLam
