九龍華仁果然專門出產政界人士，今年只有三十四歲嘅年輕會計師龔耀輝係九華仔，噚日用出位方法誓師，地點係灣仔金紫荊廣場，佢先同警方打咗招呼，同助選團喺度踩單車以示活力同實力。
現職均富會計師行高級經理嘅龔耀輝同八方講，佢今次喺九月參加立法會會計界選舉有雙重損失。第一就係要封筆同封咪，佢喺報章雜誌嘅文章要暫停，電台節目亦要搵人頂；第二，由於係新丁，加上選民有成一萬七千幾人，同直選冇乜分別，所以佢同公司請咗個半月大假，全情投入。
面對經驗豐富嘅對手如陳茂波、周光暉同陳普芬，龔耀輝擺出一副小子冇有怕嘅姿態，話自己有如希臘隊，有信心最後可捧走歐國盃。
（圖）九華仔龔耀輝（左）噚日出位誓師，踩單車以示自己有活力，重有實力。 凌樹輝攝
傳真︰2623-9278
電郵︰