湯寶如已很久沒有出碟，她前晚透露稍後會與環球合作，推出一張新曲加精選的國語大碟，但她要自資二十多萬元。
許志安前晚在柴灣出席JohnnieWalker續約發布酒會，湯寶如、吳文忻、關寶慧及葉山豪等都有到場。久沒出碟的湯寶如透露稍後將自資與環球唱片合作，推出新曲加精選唱片。
湯記前晚穿上低V黑色長裙，酥胸半露，頗為性感。湯記接受訪問時說：「我嚟緊十一月會出新碟，係新曲加精選，我要自資二十幾萬。」她謂已找了內地指揮家作曲，提到唱片市場不景，賺錢很難，湯記說：「我好鍾意音樂，我唔介意銷量差，我都冇諗過賺錢，我會出完國語出廣東。」湯記現亦斟洽開演唱會事宜，希望在明年舉行。
事業有新進展，感情又如何？湯記說：「我嘅年紀好難搵對象，見施念慈都分居，影響到我心態，結婚得一張紙根本冇保障，拍拖算啦。」
葉山豪早前被拍得與施念慈結伴出街，他表示當日只是剛巧碰到對方，葉山豪說：「同佢見過幾次，佢話介紹導演畀我識，我當佢係家姐，我暫時冇拍拖。」
至於許志安前晚則特地穿着黑金色服裝到場，配襯其代言的飲品，安仔說：「套衫好難搵㗎，拍汽水廣告都要着差唔多色嘅衫，我成支酒咁呀。」安仔又謂有興趣拍女性用品廣告，即使衞生巾也不抗拒，他說：「如果係杜琪峰拍，我都唔介意，大家一定想睇，幾有趣。」
採訪：魯萍
攝影：陳烱威
