蔡卓妍（阿Sa）、鄭中基（Ronald）和秦海璐等人，昨日到青衣拍攝電影《追擊8月15日》。該幕講述從事偏門工作的阿Sa，假扮律師到差館保釋Ronald，穿上大V領襯衫的阿Sa，未埋位時突然彎腰，不慎春光乍洩。
有傳拍此劇時，阿Sa與Ronald不和，昨天他們則不時有講有笑。阿Sa說：「佢好搞笑㗎，日日我都笑到爆嘴，而且我哋成日鬥買嘢返嚟食。」Ronald則說：「我覺得佢幾好笑，大癲大肺型。」
另外，早前Ronald於數碼港一個寫字樓內拍攝《追》，講述他被三十多位警察打兼被踢埋牆，豈料竟撞穿了牆，導演馬偉豪說：「𠵱家佢哋沒收二十萬按金，要佢哋睇過至知賠幾多。好多謝Ronald佢咁硬正。」
採訪：王連連
攝影：何國豪