官債噚日招售，但《信報》曹仁超已經連續兩日喺佢專欄鬧政府大細超，唔喺《信報》落發債廣告。曹Sir話《信報》舊年最先建議政府發債，做咗好多工夫，𠵱家用咗佢條橋但又冇任何回報，就唔係幾道德。佢又話特區政府做事必須公平，但今次就獲不公平對待。有人估《信報》點解冇廣告，好可能係上次政府推五隧一橋債券時，林行止批評政府少提風險因素，可能令無知婦孺誤以為賺梗。
政府噚晚就發聲明解釋，話絕對無基於個別報章立場而要求安排行唔喺該報章登官債廣告，而有關登廣告事宜係由安排行作最終決定。聽講今次零售安排行係由中銀香港負責，中銀與《信報》莫非有仇？
傳真︰2623-9278
電郵︰