強積金管理局行政總監陳唐芷青坐正唔夠一星期，噚日約傳媒食飯，打打招呼。陳太話做咗積金局後，約人食飯有時唔係好方便，好多時都唔可以用積金局名義訂枱，皆因飲食業係其中一個俾積金局檢控最多的行業。有積金局人員試過着住件印有積金局嘅衫去茶餐廳，即刻俾個老闆大鬧，原來個老闆啱啱被積金局抽秤，話佢冇供強積金；所以佢哋去食飯都有壓力，好彩未試過俾人加料咋。
陳太話，積金局人員除咗係執法者，好多時要做埋社工，對住啲唔肯供款嘅僱主要軟硬兼施，對住一啲想提早攞走供款嘅僱員就要輔導。佢話做咗積金局之後，最大啟示係見到香港其實有好多人生活困苦，但因為咁，更應該推廣未雨綢繆。
傳真︰2623-9278
電郵︰